Exo 22 | ZomZIV | STEP | “Mi khatin bawngtal khat ahikeh tuu khat gu a, go ahikeh a zuak leh bawngtal khat tangin bawng nga le tuu tangin tuu li-in a loh ding hi.

Exodus 22

Neihsa Hutna

1 “Mi khatin bawngtal khat ahikeh tuu khat gu a, go ahikeh a zuak leh bawngtal khat tangin bawng nga le tuu tangin tuu li-in a loh ding hi. ^a

2 “Guta khat a innluh laitak kimu a, a sih nading zahin a kisat leh tua sisan luanna hangin a satpa a mawh kei hi; 3 ahi hangin hih thupiang ^{▼▼22.3 Ahikeh amah in tua pa a sat leh} nisuah khit ahileh sisan luanna hangin amah a khial ahi hi.

“Guta khat in a guksa na a din kik pelmawh ding hi; ahi hangin amah in bangmah a neih kei leh a guksate a dit nadingin amah a kizuak pelmawh ding hi.

4 “A kigusa ganhing - bawngtal ahikeh laa ahikeh tuu - a khut sungah a hingin a kimuh leh - amah in a zah nihin loh pelmawh ding hi. ^c

5 “Mi khatin ama gante a lo sung ahikeh a lenggui huanah khahin tasak henla, vakzausakin midang khat lo-ah a va tat leh amah in ama lo ahikeh a lenggui huan-a a hoih pen tawh a dinkik pelmawh ding hi. ^d

6 “Mei kangin gamsung lawha, antang kholna ahikeh a locing pumpi-in a kat leh a mei kangsak cilpa in a din kik pelmawh ding hi. ^e

7 “Mi khat in a vengpa tungah ngun ahikeh van kemsaka, a vengpa inn panin tuate a kiguk-a, tua gutapa a kimat leh a zah nihin dinkik pelmawh ding hi. 8 Ahi hangin a gutapa a kimuh kei leh midangte in van a sawkkha hiam, cih kan nadingin a inn neipa in thukhente ^{▼▼22.8 Ahikeh Pasian mai-ah; tg. 9 ah zong} mai-ah tun pelmawh ding hi. 9 Ama neihsa lohpi in - bawngtal khat, tuu khat, laa khat, puansilh khat ahikeh a kimansuah van dang khat, mi khatin, ‘Hih kei aa hi,’ a cih leh tua pawl nihte gel thu thukhente mai-ah kipuak khawm ding hi; thukhente mawhsak ^{▼▼22.9 Ahikeh Pasian mawhsakna} pen in a vengpa tungah a zah nihin loh ding hi.

10 “Mi khat in a vengpa laa khat, bawngtal khat, tuu khat ahikeh gan khat peuhpeuh a kepsaka, a si ahikeh a liam ahikeh kuama om loh kalin a kikaihmangsak leh, 11 amau gel kikal thu a vengpa in a midang pa neihsa tungah ka khut ka ngak tak leh ci a TOPA mai-a kiciamna tawh kisiangsak ding hi. A van neipa in hih pen sang dinga, ditkik a kul kei ding hi. 12 Ahi hangin a vengpa tung panin a gante a kigu ahih kei leh a neipa tungah a loh ding hi. 13 Tua gan gamsate nek ahileh a kitel nadingin a nekbaang tawi dinga, tua a kibalzan ganhing tangin ama piak ding kul lo hi. ^h

14 “Mi khatin a vengpa tungah gan khat kawma, a neipa om loh kalin liam ahikeh a sih leh a ditkikna a piak pelmawh kul hi. 15 Ahi hangin gan neipa a om ahileh a kawmpa in loh kul lo hi. A ganhing a kisap ahileh a sap mana a piak sumin a beizah loh khin hi. ⁱ

Tavuan Kineihtuahna

16 “Pasal khatin pi dinga zuthawl a kipia nai lo nungak khat zol-a, a luppih leh amah in a moman pia in tuanu a zi hi ding hi. 17 A pa in tuanu ama adingin a phal peuhmah kei leh amah in a nungak bit moman a pia lai veve ding hi.

18 “Dawi-aitawi numei na hingkhawi kei ding uh hi. ^j

19 “Ganhing a luppih mi peuhmah kithat pelmawh ding hi. ^k

20 “TOPA tung lo pasian dang khatpeuh tungah kithoihna a piate kisusia ^{▼▼20 Hebrew kam-a genzia ah na le mihing TOPA} pelmawh ding hi. ^m

21 “Pemtate khelbawlin nengniam kei un; note zong Egypt ah pemta na hi ngei uh hi. ⁿ

22 “Meigong numei le tagahte metdawhna-in zang kei un. 23 Na zat uh a kei kiangah hong koh uh leh amau hong kohna ka za taktak ding hi. 24 Kei ka heh dinga, namsau-in kong that ding hi; na zite uh meigong dinga, na tate uh pa nei lo a suak ding hi. ^o

25 “Note lakah ka mite sum kitasam khat sum na leitawisak uh leh sumsinte bangin la kei un; a met ^{▼▼25 Ahikeh a met tam lua} na la kei ding uh hi. 26 Na vengpa puantualpi kiciamna-a na lak leh a nitum ma-in pia kik in, 27 bang hang hiam cih leh a silh dinga a neihsun ahi hi. Bang silh-a ihmu ding ahi hiam? Kei tunga hong koh ciangin keimah, mi a khuatuah ka hi manin ka za ding hi. ^q

28 “Pasian ^{▼▼28 Ahikeh thukhente dembawl kei un} gendai loin na mite uh a ukte hamsiat kei un.

29 “Na ansal uh le na lenggah umpite ^{▼▼29 Hebrew ah hih gual a khiatna kician lo hi.} pan biakna-a na piak dingte dok kik kei uh.

“Na tapa upa pen nong pia pelmawh ding hi. 30 Na bawngte le na tuute zong tua mah bangin hih un. A pite uh tawh ni sagih sung kithuahsak phot inla a ni giat ni-in kei hong pia un. ^t

31 “Note ka misiangtho na hi ding uh hi. Tua ahi ciangin gamsate nekbaang ganhing sa ne kei un; uite na pia un. ^u